NDI_GF_NARR_199901_RECOLTESORGO.EAF

NDI_GF_NARR_199901_RECOLTESORGO_079

continue phonological words grammatical words See annotation

ɲǎm dōorə́ rə̄ sɛ̄ŋ də́ŋìi [...] yɛ̄d bə̀ kɛ᷆dn gə́ʔ / bə̀ záa kǎaní [...] dɛ̌d [...] kɛ̀d yɛ̄d kîn gáʔ

nɛ́b lɛ̄ɛ bə̀ rə̄ / ń dá kùnú wàa gbāŋ# ń dá kùnú wàa gbāŋà

ń dá ʔa᷆n yɛ̄d kālə̀ gān bā

[...] zɔ̀ŋā yɛ̄d kālə̀ kùm bə̄rō / ń dá kùnáā dân zîgn yɛ̄d kālə̀ gān bā

dá ń màa [...] láŋsíì yɛ̄d kālə̀ gān bə̄ gə́ʔ / tɔ᷆ɔ ń dá tāà ʔɛ̄mà

ń dá tāà [lɛ̄ɛ ń dân] lɛ̄ɛ ń dân dūbà

ń dùb lɛ̄ɛ nā yà

ń dùb lɛ̄ɛ ń dà [...] ɲàmā bə̀ dân lɛ̄ɛ ń dân və᷆dn bə̄ rə̄ gə́ʔ / ń dá yɛ̄d və᷆l ʔīirā / ń dá zîgn kpa᷆ŋ bà

ń və̀d yɛ̄rìi ʔīirā / yāa ń zígìi kpa᷆ŋ bə̄ gə́ʔ / ń dá[...] lāa rân kɔ́ŋà

ń kɔ́ŋ lāa ìi gə́ʔ / ń dá râan [...] yɛ̄d kālə̀ bà

ń dá ì yɛ̄d kālə̀ bə̄ gə́ʔ / ń dá [...] gāanā lu᷆n lāarú

ń lūu gāanā [...] ì lāarə́ gə́ʔ / ń dá zîgn pɛ́gə̀ rú

ń jíg ìi pɛ́gə̀rə́ gə́ʔ / nɛ́bā bə̀ ya᷆a[...] yɛ̄d kɛ᷆dnbə̀ rə̄ pát / yāa ìi wál ìi gə́ʔ / gbèrā [...] íi líi gbèrā ì pát gə́ʔ / ʔí záì pát gə́ʔ / ʔí dá [...] gāanā pāanà

ʔí dá pāgə̀n nɛ᷆n tɛ́mú

nɛ́ɛrē pát dá gāanā pāanà / dá pāgə̀n nɛ᷆n tɛ́# pāgə̀n nɛ᷆n tɛ́mú

bə́ nə̂ə gə́ʔ ʔí dá ʔɛ᷆m yɛ̄d dân və̄lbèà

ʔíi və̀l yɛ̄d yǎ / ʔíi və̀l yɛ̄d yǎ / ʔíi və̀l yɛ̄d yǎ / ʔíi və̀l yɛ̄d yǎ

kóo nɛ́ɛ nîŋ wə̄lsûd w̰u᷆u tə́ sə̀nū / fɔ̄dtə̂n zâan dāambè [ʔī rā/] wə̄l dân ɲə᷆ənbə̀ / pɛ́gə̀rə́ séʔ

tɔ᷆ɔ nɛ́ŋā ʔíi tùmə̀ kɔ̀bà wə̄lá / ʔɛ̀m wə̄l kɔ᷆bmbə̀á/[fɔ̄dtə̂n ɲə᷆m wə̄lā] / wə̄lā w̰ūurú wə̄rə̀ sé

[gām] bɔ̀n dá ɲə̄à [...] wə̄lì w̰ūurú gə́ʔ / wə̄lā ʔɛ̀mà kə̀ na᷆a rə̄ / ya᷆a dá wə̂ən pɛ́gə̀rə́ gə́ʔ / ń dá bêen w̰ūlbìlbìl vúgàa

ʋèe ʋèe ya᷆a dá pi᷆in pɛ́gə̀ rū

sée nɛ́ŋā [...] dá wə̄lā síinà

[sé]sée bə̀ [...] jībà

bə̀ jìbə̀ kə̀ gàŋǎ

bə̀ jìbə̀ ì kə̀ gàŋə̀ gə́ʔ / ʔúndù [] gáʔ

[yā dá] ya᷆a síi wə̄l ìi gə́ʔ / ɛ̄í kɔ̀ʔ í dáà kə̂n bídnà pát / [...]

ʔí dáà kə̂n bídnà pát

wál yāa í kùm ìi yɛ́b bə̄ síb pɛ́gə̀rə́ gə́ʔ / ʔí dá wə̄lā ɲə̄ənǎ / ʔí dá wə̄lā ɲə̄ənà

ɲə̄ə í bɛ́ɛ wə̄lì gə́ʔ / bít záa yāa í dá gāanā [gāanā] pāgə̀n sɔ́ŋ

ʔí dá pāgə̀n nɛ᷆n tɛ́mú / ʔí dá pāgə̀n nɛ᷆n tɛ́mú / ʔí dá pāgə̀n nɛ᷆n tɛ́mú / ʔí dá pāgə̀n nɛ᷆n tɛ́mú

ʔíi pàgə̀rìi gə́ʔ ʔí rá bîdn yɛ̄d və̄lbèā

ʔíi və̀l yǎ / ʔíi və̀l yǎ / ʔíi və̀l yǎ

nɛ́ɛ nîŋ wə̄lsûd ʔo᷆o w̰u᷆u sə̀nú

kóo nɛ́b ʔīirā wə̄lsûd ʔo᷆o w̰ūu bə̀ sə̀nú

nɛ́b jǔmā wə̄lsûd w̰ūu bə̀ sə́n [...] / nɛ́bā kîn wə̄lsûd w̰ūu ī nɛ̂ɛ íi ʔīirə̄ yêe / ʔí də́ŋ wə̄lā ɲə᷆ənbə̀ séʔ

sée to᷆ ɲàm ʔo᷆o rə̄ də́ŋǎ

ɲàm ʔo᷆o rə̄ də́ŋ yà

bít yāa í ɲə̄ə wə̄lì gə́ʔ / tɔ᷆ɔ bə́nə̂ə [] sɛ̄ŋā ʔí dá kə̂n záanà

bə́nə̂ə lɛ̄ɛ gúu ɲɛ́d tə́ númú

ʔí dá kə̂n zâan gə́ʔ / ʔí dá yɛ̄d və̄là

yɛ̄rā nɛ́ā kòo nɛ᷆n tɛ́mú kîn də̄ / dá ba᷆an dá ʔì nə̀ə nə́ənā

dá yɛ̄rā pûun kɔ̀ʔ dá rân nə᷆ən lɛ̄ɛ gúsā ʔí dàa [...]

ń nə̀ì gə́ʔ bíd ʔí bírà ì gə́ʔ sée ʔí dáà kə̂n ʔɛ̄mà yīlú

ʔí ʔɛ̀mà yīlú

ʔí ʔɛ̀màì [pég#] pɛ́gə̀ bā

yā ʔí wə́ ì pɛ́gə̀ bə̄ gə́ʔ / sé ʔíi dá yɛ̄rā tābà/tābà/tābǎ / tābà

tāb ʔíi bɛ́ɛ yɛ̄rì gə́ʔ / sée ʔí dá nɛ́b bə̄d yɛ̄d gbèd gābà

[...] nɛ́b bə̄d bə̀ pà yɛ̄rá

ʔí pàa yɛ̄rá

ʔí tôo ʔɛ̄mmà yīlú

ʔí pàa yɛ̄rá / ʔí ʔɛ̀mà yīlú

[nɛ́ɛ nîŋ yāa làa dūnà yílìi kpa᷆ŋ# kpa᷆ŋ tɛ́mú gbɔ́g tɔ᷆] nɛ́ɛ nîŋ yāa làa dūnà yílìi kpa᷆ŋ tɛ́mú gbɔ́g ní / yɛ̄d ʔo᷆ ā [súu] súu píi yɛ́b bə̄ yérə̄ [yɛ́b bə̄ yérə̄] dáa pìi kàgə́ gáʔ

yɛ̄d ʔo᷆ ā rə̄ sée táa bə̀ dá ʔa᷆n gbàg gúu bā

nɛ́bā ʔíi ʔɛ̀mà sɔ̀ɔnkèe rə̄ / yɛ̄d ʔɛ̄í bè dá sə̀n dâan kàgū

nɛ́ŋā yɛ̄rā làa lɛ́ɛ yɛ́b bə̄ yérə̄ / ʔo᷆o gə́ʔ dá yɛ̄rā zîgn gbàg gúu bā

[...] làa lɛ́ɛ yɛ́b bə̄ yérə̄ / ʔíi pàa yǎ

dá íi páī kàgə́ gə́ʔ / [...] yɛ̄rā ʔíi zíg pát də̄ / w̰ūl pìi rú wə̄rà

sɔ̀ɔn sɔ́ŋ gáʔ

[to᷆] nɛ́bā bíd ʔíi dárân yɛ̄d dân pa᷆an də̄ má / dá ʔíi wə́ə ì gə́ʔ / sée to᷆o ʔíi pīg kālə̀ gāanā rə̄ yà

ʔí pīg kālə̀ gānā sə́n gə́ʔ / [...] nîŋ gə́ʔ nɛ̂ɛ nîŋ nîn tígə́lú lə̄à tə́ kə̀ kêená

màa tə́ kínī / màa tə́ kínī

yāa ʔìi pīg kālə̀ gānā sé / yāa bə̀ dá yɛ̄rā pa᷆an nāà gə́ʔ / w̰ūl bìlbìl dâa vúgnà kǎn ʋlùuuu

ya᷆a ta᷆a tə́ kàd bə̄ gə́ʔ / bə̀ zàal ya᷆a ta᷆a sə̀nū

àmá w̰ūlbìlbìl vúgà yāa nāa tə́ yɛ̄d yílú káp gə́ʔ / nɛ́bā ʔíi dáa yɛ̄d pa᷆ambə̀ rə̄ nɛ́ɛ nîŋ yɛ̀l sīi yà

sɔ̀ɔn sé

yāa ʔìi pàa yɛ̄d ɲìi yà

yāa bə̀ pàa yɛ̄d ɲìi ì gə́ʔ / yɛ̄d ń āa rə̄ ʔúndù gə́ʔ w̰ūl pìii sə̀nù

kóo dá ǹ zíg kàgú / ǹ tìi kú / w̰ūl pìi ì yɛ̄rā rú

ǹ kə́d bɔ́ɔnú / w̰ūl pìi ì yɛ̄rā rú

ń màa nîi / w̰ūl pìi ì yɛ̄rā rú

to᷆ / ń dá bɔ᷆bm bə̀ / dām bə̄d bə̀ fūdə́nìi láŋsə́ ma᷆ambèā

bə̀ màa láŋsá láŋsá láŋsá

sée [...] bə̀ dá bādn yɛ̄b māanà

bə̀ dárân zîgn yɛ̄d kàg dùu

bə̀ dá bādn kúmsìnā māanà / yɛ̄d kàg dùu wə̄rà

bə̀ màa kǎn sə́n gə́ʔ / yɛ̄rā rə̄ [...] w̰ūl pìi ì rú wə̄rə̀ gə́ʔ / ʔí líi yɛ̄rā rīì má / bàgə̄lə́ má dìi gáʔ

to᷆o / də́ŋmə̀ má də́ŋ ʔīi gáʔ

nɛ́ā líi rə̄ má [...] dá ta᷆an kə̀ w̰ūl kínī

yɛ̄d də̄ kɔ̀ʔ bɛ́d náŋ gáʔ kɔ̀ʔ