NDI_GF_NARR_199901_MARIAGE.EAF

NDI_GF_NARR_199901_MARIAGE_134

continue phonological words grammatical words See annotation

ɲǎm dōorə́rə̄ / ń ʔíi kên ŋǎm dōorə́ bə̀ bɔ̄bm̀ bèā

tɔ᷆ɔ sée ń dá ku᷆m kə̀ ʔɔ̀tnîŋā / ʔɔ̀tmàŋkáa ń dā

ń kùmə̀ kə̀ ʔɔ̀tmàŋ kán gə́ʔ / ń dá ū tu᷆m kéēn ārē sə̄nú

ń tùm ì kéēnārə̄ sə᷆᷆n gə́ʔ / ám gə́ʔ / ń dá ʔo᷆ sə᷆n gáʔ

ʔɔ̀tmàŋ kán də̄ / dá n̄ sə̀n kéēn ā rə̄ gámà

gám kéēnārē yǎ / yāà bàn̄ yǎ / bə̀ kéēn ā ʔí n̄ ì à gə́ʔ#

tɔ᷆ ʔén bə̀ dá ʔīn bée ǹ gə́ʔ / ń dá kə̀ə᷆n zɔ̄lɔ̄g tée dân dūbà

kə̄ə̂n síkēá / kə̄ə̂n zɔ̄lɔ̄gá

dùb ń dá tāà wálàā / ń dá tāà wálàā

ń dá tāà də́ən̄ ʔɔ̀t bā gə́bgə́bgə́bgə́bgə́bgə́bgə́bgə́b

ń də́ ì ʔɔ̀t bə̄ gə́bgə́bgə́b gə́ʔ / ń dá lārə̀wàā [] dán̄ kōonà

ń kòà lārèwà ì gə́ʔ / yāa ń dá lārə̀wà bə̄ŋà bə̄ŋà bə̄ŋà bə̄ŋà : kə̀ ʔɔ̀tníŋ ārə̄ tá

ʔí dá kə́n̄ tēenà / sɔ̀ɔ̀nkè kúúúúrrrr

ʔí tèè ì gə́ʔ / ʔí dá tābm̀ kə̄ə̂n [kə̄ə̂n] lā té ā rə̄ gúrù bèel bə̄ kɔ̀

ʔí dá ta᷆bm yíl bə̄ kɔ̀ʔ

ʔí tāb ì yíl bə̄ gə́ʔ / āa yíl bə̄ [rə̄] də́ŋ zɔ̀ŋ̄ gīîl bə̄ kîn də̄ / ʔí dá tāà də́ə̄n / ʔí dá báŋ̄ kú / ʔí dá báŋ̄ kú

dá ku᷆m kə̀ vu᷆m kîn káp/ dá ku᷆m kə̀ vu᷆m kîn káp

ʔí dá tāà pāanà

ʔí dá tāà lɛ́ɛ̄n gún̄ ván̄ yīlú

dá ʔí lɛ́ ì gún̄ ván̄ yīl̀ gə́ʔ / [gún̄ ván̄ dá béēn gə́ʔ] wàa nàā [BH] ʔo᷆o kɔ̀ʔ / gún̄ ván̄ kɔ̀ʔ / bə̀ dá béēn gə́ʔ / wàa kèe ʔàa bə̄nə́ lāa téá

sə́n gə́ʔ ń dá ʔɛ᷆m púlù kɔ̀ɔ bə̄d sə̄nú

ʔí dá dán̄ kílə́m māgə̀ dán̄ bárà

ʔí bád kílə́m māgə̀ yǎ / ʔí bád kílə́m māgə̀ yǎ / ʔí bád kílə́m māgə̀ kîn

ʔí bád kílə́m māgə̀ bɛ́ì gə́ʔ / ń dá kílə́m māgə̌ pāanà; ń dá kə́n̄ ʔāanà

ń ʔàa kílə́m māgə̀ ā ì gə́ʔ / kílə́m māgàā bírà sə́n gə́ʔ / kéēn ʔíi n̄ yǎ

kéēn ʔíi n̄ ì gə́ʔ / tɔ᷆ɔ / yā ń dá bādn gə́ənà

bādn ɲi᷆ŋ kwóp jè dà níŋ̄ní / ń dá tāà ʔāanà

ń ʔà ì gə́ʔ / yāa ì dá tāà [nāá] kén̄ kūn bə̄d wálà / kéēn báa o᷆ bə̄rá

[yāa bə̀ wál ì] kūn bə̄d yāa bə̀ wál ìi gə́ʔ / ʔì dá dɛ᷆dn gə́ʔ wāīnɛ̀ʔ / nín̄ ɲàm̄ dōorə́ rə̄ gə́ʔ / bə́n̄ da᷆n kpōb tə́ kə̀ nɛ́ŋ ā éē ì

káȳ kpōb bə̄ séʔ

nɛ́ŋ̄ ārə̄ kūn nə́gə́l ʔo᷆ gə́ʔ le᷆e

kūn nə́gə́l ʔo᷆ kínī

bə̂n ɲɛ̄dnì kə̀ ʔo᷆ ì

bə́ ɲɛ̄d dà

bə́nə́ə̄ ná kén̄ ʔíù wèè

kén̄ ʔíù wǎ

tɔ᷆ kén̄ ʔíù ì gə́ʔ / ōbə́ kɔ̀ʔ bə́ ʔíù wà

bə́ dá wà mǎlə̀ dán̄ dɛ̄rà

bādn yílā ń ʔà rē/ wà mǎlə̀ dá ta᷆a kūmà

wà mǎlə̀ yāà tó bādnā ì gə́ʔ/ dá tāà wà kéēnā dɛ̄rà

wà kéēnā dá ta᷆a bādnā kēenàā / w̰àanùū

yāà ɲə̄ə̄ bādnā ì gə́ʔ / ɲə̄ə à ì gə́ʔ / ɲə̄ə pīi mǎlə̀ ì gə́ʔ / tɔ᷆ɔ mǎlə̀ kɔ̀ʔ dá lāa lím̄sə́ fūunà

yā póm gbə̀ sə᷇nú

fù póm ìi gbə̀sə̂nə́ gə́ʔ / tɔ᷆ɔ záa bə̀ dá tāà sāanà

wàa mǎlə̀ dá tāà bādnā ɲə̄ənà

tɔ᷆ɔ wàa kūn bə̄d kɔ̀ʔ bə̀ dá bādnā kēenà

tɔ᷆ wà bá ʔo᷆ kɔ̀ʔ / dá bādnā ɲə᷆ənà

ʔì ɲə̄ bādnà / ʔì ɲə̄ bādnà / ʔì ɲə̄ bādnà / ɲàm pì yǎ

w̰u᷇n yāà ɲɛ̄rì gə́ʔ / tɔ᷆ sɛ̄ŋ yāà mà ì ʔīirā tōrə̄ gə́ʔ / yā ń dá ɲi᷆ŋ də̄ yā ǹ pú ǹ gə́ʔ / ń dá bādn ʔāanà ɲi᷆ŋ ʔīirā

yā ń dá wà bá ʔo᷆ bə̄d pīinà

yāa ń pīi wà bá ʔo᷆o bə̄rì gə́ʔ / bít yāa ń dá ɲi᷆ŋ púunà

ń pú ɲi᷆ŋ yà ń ʔɛ̀m ì kə̀ na᷆a gə́ʔ / tɔ᷆ bə́nə́ə̄ gə́ʔ / ń dá sɔ́dn̄ fūdn᷇ gún tùu tu᷆mbèā / kàdì

ń fūdínì gún̄ tù tu᷆mbə̀ gə́ʔ / ń dáaaa bādn gə́nà

gún ván̄ dá bādn gə́nà

yā ń dá gún̄ lɛ̄ lāmà

ń làm gún̄ lɛ̄sə̀ gə́ʔ / bɛ́rə̀ gə́ʔ yā ń dá gún̄ gbàg lɛ́ɛnà

[...] ń dá gu᷇n ke᷇᷇en wád lāmà

ń làm gún̄ kén̄ wáarìi gə́ʔ / sɛ̄ŋ yāà tə́ də᷇ŋ wád bə̄əmə̀ gə́ʔ / ń dá gu᷇n ke᷇n gbàg ya᷆an lɛ́ɛnà

gbàg də̄ bó / ǹ gúu bāamə̀ té tɛ᷄dn bə̄rá

ń dá káŋsād tée dūbà sɔ́rɔ́g kə̀ ʔɔ̀tmàŋkán táʔ

káŋsād té āa rō / láŋ ʔí dá kə᷇n pāanà / láŋ [ʔí] ra᷇n pāanà

ʔí dá tāà lə᷆ŋ kát

ʔí lə̄gǎ

ʔí dá tāà tée lɛ̄gə́ bə̀ dūba᷅

dùb ʔí bɛ́ì gə́ʔ zàr í bɛ́ té ì káp káp gə́ʔ ń dá nɛ́ɛ̄ kōonà

ʔí dá kírə́ da᷇n kōonà kə̀ ʔɔ̀tni᷇ŋ tá

yāa í dá tāà tēenà / í dá tāà zāarà

[*] wád də̄ bə̀ bə̀ à ì gə́ʔ / yā ʔì dá pe᷆en gbàgā rə̄ bā

ɲa᷅m dōorú bə̀ pèn wa᷄d fɔ̀g dùu kɔ̀ gáʔ [pèn wád gbàgā rə̄ bā]

pèn bə̀ wád wáará ì pát gə́ʔ / bə́ dá tāà púunà / bə́ dá tāà páanàʔ

tɔ᷆ɔ náa bòōrú bó / w̰ān yāà píì sɔ́ŋ bó / yā ń dá bādn gə́nà

[gu᷇n] gu᷇n va᷇n kɔ̀ʔ dá bādn gə́ənà

yāa ʔíi dá gu᷇n lɛ̄ɛ lāmà

yāa íi làm gu᷇n lɛ̄sì gə́ʔ yāa ń tāà bāa bāanà

yāa ʔìi bàan̄ bāsì gə́ʔ / ń dá tāà bāʔ ā pīiǹ zɔ́gɔ̀

[ń pī bāʔ ì gə́ʔ] ń làm gu᷇n lɛ̄sá gə̀b ʔīirā

yāa ń làm gu᷇n wád [...] gə̀b ʔīirə̄ gə́ʔ / w̰ɔ̄ŋ ám bə̀ bɛ́ddà

[w̰ɔ̄ŋ ámbə̀ dà bāsā] bāsā ń dá pi᷆in də̄ / bɛ́ddà

tɔ᷆ sée ń dá ʔɔ̀tnîŋ tūmà

yāa ìi dán̄ ke᷇n ń dɛ̄rà

yāa bə̀ dɛ̀d ke᷇n ìi gə́ʔ gu᷇n va᷇n dá ba᷆n ǹ ʔàa bə̄nàa ʔīn ā bə᷆n ʔí tɛ́m bə̄ rō

tɔ᷆ɔ kóo ń bɔ̀bà tə́ ni᷇i pát ń ʔàù wà ìi gə́ʔ [...] ke᷇en gə́ʔ yāa bə̀ pīi n̄ gáʔ

sé ń dá ke᷇n də̄ wa᷇n nábú

ń w̰án ke᷇n nábú ʔɔ̀tmàŋkám bə̄d bə̀ dá tāà ke᷇n āarə̄ə pāanà

báa wə̄ī nǎa wə̄ī báa wə̄ī nǎa wə̄ī

[...]

sɛ̄ŋ tōorā nîŋ gə́ʔ ɲàamā dáa pi᷆in gə́ʔ w̰ûn dá ɲɛ᷆dn na᷆a gə́ʔ wà báa ʔo᷆ yāà wə́ yǎ

kūn va᷇n [...] yāà wə́ yǎ

[kūn vân dá wə᷆n gə́ʔ] dɛ̀d dá ke᷇nā vûn dá bi᷇dn kə̀ nāw

ke᷇n āarə̄ kɔ̀ʔ záaní

bít ʔí dá w̰a᷇n jɔ̀ŋ ni᷇ŋ gɔ́ŋ bə̄ sɔ̰́ ʔí dá w̰a᷇n wə̄l w̰ūurú

ʔí dá pa᷆n sɔ́ŋ gbə́g [...]

fə̄mə̀ kɨ̀ nɛ᷆n gísá

gég gèg gég gèg gí yɛ̄sə̀ bə̀ gáʔ

ʔí dá pa᷆n záaní

ʔɛ᷄i kɔ̀ʔ ʔí gí kə̀ bɛ̄ntɛ̄rà [gí gɛ̄g gèg]

háa yāa ʔíi páa ì yi᷆l gə́ʔ / tɔ᷆ ń dá bɔ᷆bm ʔúndù gə́ʔ / kūn va᷇n ʔo᷆ yāà sə́n gə́ʔ / sé ʔám kɔ̀ʔ ń dá ʔɔ̀tmàŋ kám bə̄d dɛ᷆dn wálà

bə̀ dá yāawîm kə̀ və̄á

ń wée və̄ sə́n gə́ʔ [...] ń wée və̄ sé ke᷇n ārə̄ kīd bíd yǎ

dá pà nɛ́ ni᷇ŋ gɔ́ŋ nɛ́ ni᷇ŋ gɔ́ŋ dá wə́ və̄ ì gə́ʔ ń bɔ̀b kênā sɔ́ŋ gáʔ

tāà yà

sé yāa ń dá ke᷇n ā rə̄ və̄ ya᷆n wéenà

ń wə́ və̄ ì gə́ʔ ń dá wa᷇l kə̀ ʔɔ̀tmàŋká ń bə̄rá

ʔɔ̀tmàŋká ḿ bə̄rā ʔì wál yǎ

yā bə̀ dá və̄ ā rə̄ líina᷅

yā ʔì dá və̄ tɛ́mā líina᷅

yāa ʔì dáa [gbèrā] gbèrā ya᷆an gābà

bə̀ gàb gbèrā bə̀ lí ì gə́ʔ / māgàā yāa ʔì lí kə̀ gbèd wālə́ rə̄ gə́ʔ / sé ʔɔ̀tmàŋká ń bə̄d / ʔì dá zíg ń kàn̄ síp

ń dá ke᷇n nə́gə́l páanà

ke᷇n nə́gə́lā ń dɛ̀rə̀rə̄ / [...] ʔɔ̀tmàŋ ká ʔo᷆o bə̄d dá bə̀ bà ù yīlú

tɔ᷆ tígə́l yāà káa yà [...] gə́ʔ ʔí dá w̰ɔ̄ŋ dɛ̄rà

gíbmbèà gíbmbèà yāa ǹ pàa māgàā

dá ku᷆m sə́m

záabíā záabìā ǹ pàa māgàā

[...] dá ku᷆m sə́m

ke᷇n nə́gə́lā ń páù [...] káp də̄ / nə́gə́lā làmə̀rə̄ / ʔíi dɛ̀rìi gə́ʔ / ńdá ki᷆im bə̀ íiríi íiríi íirî / yīlú

sée bə̀ dá [...] púunà

nə́gə́lā nə́gə́l ʔo᷆rà

yāa bə̀ púu māgə̀ ì gə́ʔ / ń bɔ̀b ke᷇enārə̄ yǎ / bɛ́ddǎ

ke᷇n ʔámbèà

tɔ᷆ɔ [yāa ń dá ke᷇en ā e᷆ …] yāa ń wée kòo yǎ

ʔɔ̀tmàŋká bə̄d bə̀ ʔɛ̀m ìi gə́ʔ / ke᷇en ārə̄ yāà da᷇n ga᷆bm ń dá wál kə̀ ke᷇en ārə̄ gə́ʔ / yāa ń dáaa pɛ́n zāgə́n və̄ə pīinà

w̰u᷇n ɲɛ̄rì ki᷇nní / ń dá pɛ́n zāgə́n və̄ə pāanà

ń dá ʔɔ̀tmàŋká ń pīinà

dá wàa nàʔá ʔo᷆ bə̄d ʔāanà

ʔì ʔàa nàʔá ʔo᷆o bə̄rìi gə́ʔ / dá bə̀ kèe ìi gə́ʔ / bít ńdá bādn̄ w̰àanə̀bə̀ ya᷆an gə́ənà

bādn̄ w̰àanə̀bè bó / ɲi᷆ŋ gbàā nîŋ kə̀ ɲi᷆ŋ / kə̀ ɲi᷆ŋ bɛ̌ntə̀ ʔīirā

ń ʔàa ìi gə́ʔ / dá ʔìi ɲə̄ə bādnā rə̄ yǎ

bə᷇ə gə́ʔ bɛ́ddèe bɛ́d yàā gə́ʔ / ke᷇en ārə̄ yāa ń dá tāà ke᷇en ārə̄ gābà

sə́ŋ gə́ʔ ń pīi ʔīn ārə̄ sə́ŋ gə́ʔ / [ke᷇en ā kóo sɛ̄ŋ də̄ pát lə̄ə kə̀ ʔám gáʔ]

ń màa le᷆e pát ke᷇en ārə̄ lə̄ə kə̀ ʔám gáʔ

ʔám kɔ̀ʔ ɲàamā [...] bə̀ ʔàa bādn wàanə̀bə̀ bə̀rə̄ gə́ʔ / bāsā ʔɔ̀tmàŋ kám bə̄d yāa bə̀ pīi n̄ də̄ / ń dá bāsā rə̄ pɛ᷆dn ń dá ù da᷇n lɛɛ᷇ɛn kīlə̀ bà

ń lɛ́ɛ ù ì kīlə̀ bə̄ gə́ʔ / to᷆o ʔō gə́ʔ ɲàamā rə̄ ǹ gàb zée fákát ke᷇en ārə̄ da᷇n sīi ʔīinà

ń dá wál̄ kə̀ ʔo᷆o rà