KKEC_AV_NARR_150203_AK1.EAF

KKEC_AV_NARR_150203_AK1_73

continue phonological words grammatical words See annotation

ǹ bí ... ń ná kìibonɛ́ɛ̀ dò fɔ̀la ì yèn

ǹ kíìbondén dè lún dò Màamí Wàta là

ǹ nánden, kìibô tɔ̀, ǹ kíìbota, ň dêé ... à nǐín ń bâàba, à nín ń bâàba ꜜlá mùséè ... ǹ nándèn,

mà bì bɔ́ɔla sɛ̀nɛ́ɛ̀ tɔ̀ Sùlukufálàn

ma bá' nà háaa ... mà báti kée fàrannɛ́ɛ̀ tɔ̀

k' à tɛ̀rěn ... à kɛ́ɛnden kőo ... sángè ꜜbá' nà ... kɔ̀ɛ̂ bá' bǒn

àwa, n ká ń nátɛriya ... ǹ ká ... àn tó kɔ́ɔ̀ma

ň náàta ... ǹ k' áà yèn dóo í jùléè bɔ̀ɔnděn ... bóyilɛ júlè

áwà lɔ́gɔ fɛ́rɛnnɛɛ̀nu ... bòyindén ... kílà kùnma

ǹ kà kélen tàa ... ǹ táat' áa fɛ̀ ... ɲáâtɔ̀

ǹ táata, ň jigìta ... fàráà bùutɔ

n tágamanta díkettè kùnma

lɔ̀gɔ́nnɛɛ̀ ꜜbí ǹ bólè tɔ̀

ń ka̋ lɔ́gɔnnɛ̀ bìla ... jèê tɔ̀ ... ǹ tóota á sàmanna ǹ fɛ̀

ǹ tàta ha̋a n̋ tânbìta ... bìyakɛ́ júenɛ̀ dò là

ǹ kɛ̋ɲɲáa fìla ɲɔ́gɔn

Màamíwàtâ k' áa kùɲɛ́ɛ̀ làbɔ ... jěè kɔ̀tɔ

à nín à láa ... jèléê mìnnu b' á gbàâ là

ànú mɔ̀gɔ síyaman

àn í jìnbéè fɔ̀láa ... àn í sígè ꜜlála ... à kɔ́ɔ̀ma

ànu síya

àn nà síginnɛ̀ kà ǹ dìya ... ǹ ká n̂ lɔ̀

lɔ̀gɔ́nnɛ̀ bì ǹ ꜜbólo .. jéè tɔ̀

à k áa kùn̋ nâbɔ̀ ... ǹ kɔ́tɔ fàn ... à ká ń máfɛ̋lɛ̀

ǹ k' áâ màfɛlɛ ... à kùnsígè jàn ... ǹ m' áa dàn ꜜdúla yěn

à kéeɲìn tùgun

à tǒè mǔ ... sàâ lè là

à kǔǹ ... dɔ̌rɔ́n dè mù ... mɔ̀gɔnɛnfíɲɛ̀ là

ǹ tóta ɲɔ́ɔ lè ... àn í jìnbéè fɔ̂là, àn í ... sígè làala à kɔ́ɔ̀ma, ò báti ń díya

à tóota wó lè tɔ̀ nùn háa

ň lɔ́ɔ̀nden k' àa màfɛ́lɛ ... à bì fɛ́n kɛ̂ɛ̀la

kɔ̀nɔ́ .. àn ká ń nákunun ... ǹ mǎá ń náa kìibóè làbán

sàguè ma ... ǹ wúlita tűn ... ǹ ká ń bòri, ǹ jîgita .. ꜜfàráà tɔ̀

ǹ táata .. ǹ káa lɔ́gɔnnɛ̂ dò ꜜtônbòn

kɔ̀nɔ́ ... bóyilɛ má lɔ́gɔnnɛ̀ là

kàa tɛ̌rén sángè ꜜbá' nà súè tɔ̀

kɔ̀rɛ́ɛ̀.. kɔ̀ɛ́ fóo bá' bòn

ǹ kà lɔ́gɔnnɛ̋ɛ̀ bìla jěè tɔ̀ ... k' àa fɛ́lɛ̋, s' àa tɛ̀rɛntá ... ń ki̋ìbòta mín nà à sì kɛ́ɛ̀

à máa bɔ́ɔ

ǹ ká ń lɔ̀ ɲɔ̀ɔ̂ dóndèn ... ǹ m' áà yèn

ǹ kà kílà bìta ... ń sa̋àgita lɔ̀gɔ́nnɛ́ɛ̀ fɛ̀ ... bóɲɛ̀ là

ǹ kó tùma dǒ ... bìi súè tɔ̀ ... ǹ sí kìibo

ǹ táata ǹ báàba kà ǹ ꜜmáɲìninka, kóo í tɛ̀rɛ bì tàanden mìn nà?

ǹ kǒ ń tɛ̂rɛ̀ tàanden fàrannɛ́ɛ̀ tɔ̀

kó fɛ̋n dè ꜜmáanden ɲɔ̂ là? sàguema súbakà kɛ̀ mà?

ǹ kò á ... ǹ kó ń kíì.. ǹ bí tɛ̂rɛ̀n bí kìibola ꜜlè ... wò báti ń nákunun, ń máa ń ná kìibóè làbán

kó í bi̋ tɛ̂rɛ̀ ꜜbí kîìbonden fɛ̀n nà?

kóo ń tɛ́rɛ kìibonden ... fɛ́ɲɛ̀ dó lè là

jèê tɔ̀, fàrannɛ́ɛ̀ tɔ̀

mà ì bɔ́ɔla ... sɛ̀nɛ́ɛ̀ tɔ̀, ń dê n' íi lè ... à níin ... ń nánden

ǹ kò ǹ ká wò tò kɔ́ɔ̀ma, ǹ ká ń bòri ... ǹ táata ǹ káa ... bóyilɛ lɔ́gɔnnɛ̀ dò tà, ǹ ká wô bìla jéè tɔ̀

fɛ́n dò ꜜk' á kùɲɛ́ɛ̀ làbɔ ... kùnsígè b' á kùn tɔ̀ ... à jíginden ha̋a à kɔ́ɔ̀ tɔ̀

kɔ̀nɔ ǹ m' áa tò yèn, à tóo kɛ̀ɛndɛn ... kó sì ... à mù yɛ́gɛ̀ lè là jéè tɔ̀

mɔ̀gɛ́ dônù b' áà gbàa là, àn í jìnbéè fɔ̀ɔla, àn ì sígè làala ... àn b' áan dɔ̀nna

ǹ kó ń ka̋ ꜜlɔ́gɔnnɛ̀ tò jíi tɔ̀ nɔ̀n, ǹ ká ǹ lɔ̀, ǹ bì wó màfɛlɛla

kɔ̀tɛ́ɛ̀ nɔ̀n ... à bì míǹ màala ... wò ká ń nákúnun wó lè tɔ̀ ... ǹ máa ń náa kìbóè làbán

à kó ń má, kó á! kìibóɛ̀ ꜜká ɲìn

kò í kâ ꜜlɔ́gɔnnɛ̀ lɔ̀n? kò á! kó bóyilɛ lè

kó íi.. í k' a̋à lɔ́n, í k' á láboyi káamìn?

n kó, á, n bá' tága ɲɔ́ɔ

n máa n na kìiboè làbán .. ǹ m' áà lɔ̀n, ǹ ká lábòyɛ ꜜkáamìn, k' à tɛ̀rɛn wò báti ń nákunun

kò àwa! kó sì ì káa .. lɔ́gɔnnɛ̀ wò lɔ̀n nùn, ì n' áà màra

kó à ká ɲìn há ... ǹ kó ɓá dɔ̀n wò m' áa sɔ̀n ǹ ní ná kìibóè làban

kɛ́nɛ̀ sì bɔ̀ tún ... wò ní mɔ̂gɔ̀ ꜜmágbàsi

ì wúlì, ì wúlì!

ǹ kó ǹ máa ń ná kìibóè làbán, wó lé k' áà kɛ̀ ... ǹ m' áà lɔ̀n, ǹ kà lɔ́gɔnnɛ̀ làbe kàwóokàn

ǹ kó kɔ̀nɔ ǹ bá' tága, ǹ bá' lɔ́gɔnnɛ̀ dò tà, ǹ kà mín súgà kɛ̀ .. kìibóè tɔ̀, ǹ bá' wô kɛ̀ ... ǹ máa fɛ́n yén

à kò kô àwa .. kó à lámàra tún

ì máni wúli í lála ... ùráà là ... ì nì sáli

ì nì árkan ... fîlà tùgún sàli ì n' íi là

ha̋ri i̋ máa í lâ, ì n' i̋ì jân ì n' í bólè là ... í jùséè kùnma

tùma dó állà s' â yìta i là

àwa ... ǹ ná kîìbóè .. à tànbitá wò ɲáà lè